Estrea en Vigo do documental “SyngDoc: O mundo segredo dos Signátidos

  /  NATUREZA   /  Estrea en Vigo do documental “SyngDoc: O mundo segredo dos Signátidos

Estrea en Vigo do documental “SyngDoc: O mundo segredo dos Signátidos

O documental “SyngDoc: O mundo segredo dos Signátidos” estrearase en novembro en Vigo e contará cun ciclo de proxeccións en diferentes localidades

Iniciativa do CSIC liderada polo IIM e financiada por FECYT-MINECO e o propio CSIC

O Consello Superior de Investigacións Científicas e Inxenia Audiovisual concluíron o documental “SyngDoc: O mundo secreto dos Signátidos“, tras seis meses de labor documental e de gravacións submarinas no litoral de Galicia e noutras zonas xeográficas.

O documental SyngDOC conta co financiamento da Axencia Estatal CSIC e da Fundación Española para a Ciencia e a Tecnoloxía a través da Convocatoria de Axudas para o Fomento da Cultura Científica, Tecnolóxica e da Innovación 2016.

Caballitos

“Pretendemos que a difusión do documental sexa o máis ampla posible e dirixida a calquera tipo de público. Para iso, estará dispoñible en varios idiomas e contará con subtítulos e adaptación para discapacitados auditivos. Está previsto que a estrea oficial sexa a finais de novembro en Vigo e pretendemos celebrar diversos actos e coloquios sobre o seu contido, en colaboración con diferentes institucións, así como a súa difusión en canles de televisión”, explica Miquel Planas Oliver, científico do IIM-CSIC e coordinador do proxecto, quen avanza que “un dos nosos obxectivos tamén é presentalo nos principais festivais de cinema submarino do mundo”.

O documental SyngDoc é unha iniciativa do Instituto de Investigacións Mariñas (CSIC, Vigo), a través do Grupo de Bioloxía e Fisioloxía Larvaria de Peixes. Conta tamén coa participación do Instituto Mediterráneo de Estudos Avanzados (centro mixto CSIC -Universidade das Illas Baleares), a colaboración de investigadores das Universidades de Santiago de Compostela (Grupo Acuigen) e da Coruña (Grupo BioCost) e de científicos de Eslovenia, quen achegaron as imaxes dos fósiles de signátidos máis antigos que se coñecen.

Está patrocinado polo Museo do Mar de Galicia, Fundación Zoo de Barcelona, Getxo Aquarium, Aquagest Xixón e Disetecmar S.L. e colabora a Xunta de Galicia.

“Servirá para que o público xeral coñeza que son os signáticos, as principais curiosidades sobre estas especies tan descoñecidas, a súa vulnerabilidade, derivada das súas características biolóxicas, ecolóxicas e da súa organización social e espacial, e a necesidade de protección”, explica Miquel Planas Oliver, quen incide en que a iniciativa “combina o formato audiovisual, eixo principal da mesma, co virtual, a través de plataformas nas Redes, e co presencial, a través de actos en torno ao vídeo para o público xeral”.

Vídeo promo documental:

Ficha técnica de “SyngDoc: O mundo secreto dos Signátidos”

País: España
Idioma e subtítulos: Castelán, Galego e Inglés
Duración: Apróximadamente 50 minutos
Financiamento: FECYT-MICINN e CSIC
Dirección: Pablo Garrido Villaverde
Realización: Inxenia Audiovisual
Guión: María Rei Rodríguez e Miquel Planas Oliver
Imaxe submarina: Manuel E. García Branco, Felipe Escolano Gutiérrez, John Turnbull e Pang Quong.
Música orixinal: Gimnazija Kranj Symphony Orchestra e Virandeira Folk
Sinopse: Os peixes Signátidos, que inclúen os caballitos de mar, os peixes pipa ou os dragóns de mar, constitúen unha fascinante familia de peces. Este documental mergulla ao espectador nun mundo asombroso no que descubrirá uns peixes, cunha bioloxía descoñecida e sorprendente, cuxa evolución no tempo permitiulles adaptarse a novos ambientes no planeta e adquirir unhas características únicas no reino animal. Pero esas mesmas características fixéronlles moi vulnerables nunha contorna sometida a unha crecente destrución pola acción do ser humano. As consecuencias son graves e moi alarmantes para as poboacións salvaxes de moitas destas especies. O seu futuro depende do desenvolvemento de plans adecuados de sensibilización e de conservación.

Máis información

Facebook
Twitter
Blogue
Vídeo promocional

Share This