Mergullando en San Martiño do arquipélago das illas Cíes

Portada » O Parque Nacional » Mergullando en San Martiño do arquipélago das illas Cíes

Mar 9, 2018 | NATUREZA, VIDEOBLOG

Mergullando en San Martiño do arquipélago das illas Cíes

Os fondos mariños do Parque Nacional albergan ricas comunidades de animais mariños, cefalópodos coma os chocos, peixes tan variados coma doncelas, chaparelas, pintos, maragotas, sargos, fanecas e multitude de alevíns. Tamén aparecen outras especies de animais mariños, xa ben lebres de mar, estrelas, espirógrafos ou mans de morto que habitan os diversos fondos existentes, rochosos, de cascallo ou de area. Fondos colonizados a súa vez por algas verdes, pardas e vermellas, onde se aferran as gorgonias, ramallos de mar, leitugas de mar e mesmo golfeiros.

Este audiovisual foi gravado no Parque Nacional Marítimo Terrestre das Illas Atlánticas de Galicia, na illa Sur ou de San Mariño do arquipélago das illas Cíes por Pedro Alonso e publicado o 29 de xullo de 2015 na súa canle de youtube.

Audiovisual: © Pedro Alonso

Imaxe destacada: captura de pantalla audiovisual de Pedro Alonso

Santiago Boado Aguinaga
Author: Santiago Boado Aguinaga

Santi Boado é licenciado en Historia pola Universidade de Santiago. Investigador, divulgador e redactor. Naturalista vocacional, ten formación en comercialización e información turística, interpretación do patrimonio e educación ambiental. Exerce de guía-intérprete en espazos con valor patrimonial. Tamén é guía acreditado do Parque Nacional marítimo terrestre das Illas Atlánticas de Galicia e membro da Asociación de Guías Acreditados das Illas Atlánticas de Galicia-Agaia, do clube de montaña Pena Trevinca-Montañeiros de Galicia e da Seo-Birdlife.

Otros artículos