“O cazador cazado”
Unha imaxe de José A. Campos capturada o 5 de decembro de 2015 durante e celebración do III concurso de fotografía dixital “Unha ollada as túas illas”. Un maratón fotográfico celebrado no Parque Nacional Marítimo-Terrestre das Illas Atlánticas de Galicia.
Así, observamos en primeiro plano, un participante “cazado” no instante de disparar unha foto, “O cazador cazado”. A imaxe foi tomada na Boca da Lagoa, dende o dique que une de maneira artificial a illa Norte ou Monteagudo coa illa do Medio ou Montefaro, no arquipélago das illas Cíes.
Este tipo de actividades pretenden dar a coñecer os valores destes espazos naturais dende outro punto de vista, xa que o inverno é unha época de moita menor afluencia de visitantes. Do mesmo xeito, este tipo de iniciativas tratan de sensibilizar á poboación sobre o riquísimo patrimonio que albergan estes espazos naturais protexidos a través da fotografía, podendo transmitir así a importancia de conservar a beleza, o encanto e os valores destas paixaxes insulares tan singulares.
Premer sobre a imaxe para a poder ampliar:
Imaxe:
© José A. Campos
Author: Santiago Boado Aguinaga
Santi Boado é licenciado en Historia pola Universidade de Santiago. Investigador, divulgador e redactor. Naturalista vocacional, ten formación en comercialización e información turística, interpretación do patrimonio e educación ambiental. Exerce de guía-intérprete en espazos con valor patrimonial. Tamén é guía acreditado do Parque Nacional marítimo terrestre das Illas Atlánticas de Galicia e membro da Asociación de Guías Acreditados das Illas Atlánticas de Galicia-Agaia, do clube de montaña Pena Trevinca-Montañeiros de Galicia e da Seo-Birdlife.
