Cando o ceo escurece acéndese o faro de cabo Silleiro

Portada » O Parque Nacional » Cando o ceo escurece acéndese o faro de cabo Silleiro

Feb 23, 2017 | FOTOBLOG, HISTORIA

Cando o ceo escurece acéndese o faro de cabo Silleiro

En 1862 comeza a construcción do primeiro faro de cabo Silleiro, inaugurándose en 1866. Os seus restos son aínda visibles no cabo do mesmo nome a rentes do mar, na parroquia de Baredo en Baiona. Contaba cunha lámpada de mecha que utilizaba aceite vexetal, que foi o seu primeiro combustible, substituído en 1909 por unha lámpada de petróleo.

En 1924 inaugurouse o novo edificio nun alto para mellorar a súa visibilidade, a 85 metros sobre o nivel do mar e a uns 250 da beira da punta da Negra.

O novo faro de Silleiro, foi deseñado xa, conforme  aos novos criterios, coas súas paredes brancas. Pero as inclemencias do tempo e o deterioro provocado pola proximidade ao mar, requería dun constante mantemento polo que se decide revestilo con azulexos, imitando o estilo innovador do faro da illa de Sálvora, cuxas franxas vermellas e brancas son moi útiles en canto ao seu avistamento e identificación desde o mar, adquirindo así o faro de Silleiro, en 1929, a imaxe característica que presenta na actualidade.

En 1926 dótaselle dun sistema de radio-faro mediante o cal emitía un sinal de radio que permitiría aos barcos, en combinación coa marcación doutros sinais, establecer a súa posición exacta no mar. Sistemas de posicionamento que resultarán moi valiosos en tempos de guerra, tanto na Guerra Civil española (1936-1939) como na II Guerra Mundial (1939- 1945), básicos na navegación ata a implantación, moitos anos despois, dos actuais sistemas de posicionamento por satélite.

Outro salto tecnolóxico chega ao faro de Silleiro a través da electricidade, aínda que o sinal sonoro de néboa, a serea, xa estaba alimentada por electricidade a través dun grupo electróxeno independente, mentres que o faro, seguía funcionando con petróleo ata a definitiva electrificación en 1932

En 1959, o seu servizo de axuda á navegación vese incrementado coa instalación dunha estación meteorolóxica, e na década dos anos 80 dótaselle dunha estación de rexistro da ondada, estación que recolle datos dunha boia fondeada a milla e media do faro que rexistra a altura das ondas.

Desde 1960 ten unha lámpada de 3.000 watios que se pode ver a 30 millas con tempo despexado.

Actualmente, o faro, sen torreiros e totalmente automatizado, depende da Autoridade Portuaria de Vigo.

Podes ver tamén:

Outra perspectiva do cabo Silleiro (Baiona)

Solpor atlántico dende o faro de cabo Silleiro

Illas Estelas e Cíes dende Cabo Silleiro, Baiona

Cando o sol se agocha no océano Atlántico

Trailer da curtametraxe “Torreiros, os guardiáns da Ría”

Premer sobre a imaxe para a poder ampliar:

Imaxe:

© Paco Álvarez

Cíes.gal
Author: Cíes.gal

Redacción Cíes.gal.

Otros artículos

Area de Nosa Señora, Cíes. Anos 20

Area de Nosa Señora, Cíes. Anos 20

Excursionistas, bañistas e gamelas na praia de Nosa Señora ou do Chuco. Este areal está situado fronte ao illote dos Viños na illa do Medio ou Montefaro do arquipélago das illas Cíes. Premer sobre a imaxe para a poder ampliar: [gallery columns="1" size="full"...

O embarcadoiro de Cortegada en 1906

O embarcadoiro de Cortegada en 1906

O embarcadoiro de Cortegada en 1906 Vella tarxeta postal centenaria que nos mostra o embarcadoiro e parte da aldea da illa de Cortegada, fronte a Carril, no ano 1906, pouco antes da doazón á monarquía e abandono por parte dos seus habitantes. Ao fondo, sobre Carril, o...

Reconversións en Sálvora

Reconversións en Sálvora

Vista parcial do lugar do "Almacén " en Sálvora" a través dunha extraordinaria imaxe de Fernando Rey Daluz A escultura da serea reconvertida en lenda, a vella taberna reconvertida en capela e a factoría-almacén de salgado de peixe reconvertida en pazo. Bolos...