Xan 11, 2017 | FOTOBLOG, NATUREZA

En formación de bandeira

Eucaliptos (Eucalyptus globulus) e acacias (Acacia melanoxylon) en formación de bandeira no arquipélago das illas Cíes sobrevivindo á dureza do medio, o vento, a insolación, a seca e a salinidade. Esta denominación fai referencia á incidencia que sobre as árbores causa sobre todo a acción do vento e o sal nas zonas máis expostas das illas.

Os eucaliptos foron introducidos coma cultivos nas illas Cíes na década dos anos 40 e 50 do século pasado ocupando unha notable extensión e conformando unha parte importante da paisaxe. Tamén foron introducidos piñeiros, sobre todo piñeiro marítimo (Pinus pinaster) e en menor medida piñeiro manso (Pinus pinea) e piñeiro de Monterrei (Pinus radiata). A acacia negra aínda que non foi introducida nestes cultivos, foi quen de colonizar unha ampla superficie das Cíes e tamén de Ons. Son especies alóctonas que se comportan coma invasoras desprazando á vexetación autóctona e albergando un sotobosque ben nulo ou moi escaso. Unha imaxe de Fernando Rey Daluz.

Podes ler tamén:

A forestación das illas Cíes modificou ecosistemas e cambiou a paisaxe (I)

Rafael Areses e a forestación das illas Cíes (II)

Premer sobre a imaxe para a poder ampliar:

Imaxe: 

© Fernando Rey Daluz

Luzlux

Santiago Boado Aguinaga
Author: Santiago Boado Aguinaga

Santi Boado é licenciado en Historia pola Universidade de Santiago. Investigador, divulgador e redactor. Naturalista vocacional, ten formación en comercialización e información turística, interpretación do patrimonio e educación ambiental. Exerce de guía-intérprete en espazos con valor patrimonial. Tamén é guía acreditado do Parque Nacional marítimo terrestre das Illas Atlánticas de Galicia e membro da Asociación de Guías Acreditados das Illas Atlánticas de Galicia-Agaia, do clube de montaña Pena Trevinca-Montañeiros de Galicia e da Seo-Birdlife.

Otros artículos

Area de Nosa Señora, Cíes. Anos 20

Area de Nosa Señora, Cíes. Anos 20

Excursionistas, bañistas e gamelas na praia de Nosa Señora ou do Chuco. Este areal está situado fronte ao illote dos Viños na illa do Medio ou Montefaro do arquipélago das illas Cíes. Premer sobre a imaxe para a poder ampliar: [gallery columns="1" size="full"...

O embarcadoiro de Cortegada en 1906

O embarcadoiro de Cortegada en 1906

O embarcadoiro de Cortegada en 1906 Vella tarxeta postal centenaria que nos mostra o embarcadoiro e parte da aldea da illa de Cortegada, fronte a Carril, no ano 1906, pouco antes da doazón á monarquía e abandono por parte dos seus habitantes. Ao fondo, sobre Carril, o...