Gonzalo Viana (1950-1997) foi un singular artista vigués, nado en Bilbao, criado na Coruña, mariño e navegante, cunha vida rica en viaxes e aventuras. Escultor, pintor, debuxante, todo cunha ampla variedade de soportes e formatos, deixounos un expresionista e distópico bestiario de imaxes mitolóxicas e personaxes de fábula procedentes de alí onde o mar estende o seu reino. En contraste, outra parte da súa obra é máis próxima á estética informalista e o comic underground dos anos 80 e nela configura unha realidade urbana distorsionada dende a ironía dadaísta. As imaxes deste vídeo foron gravadas na exposición antolóxica que se dedicou a Gonzalo Viana en decembro de 2013.
Imaxe destacada e vídeo reportaxe: Basilio Cegarra.
Author: Basilio Cegarra
Basilio Cegarra é profesor de Historia da arte. Dende 1992 publicou diversos libros sobre arte de Galicia e historia local de Vigo, sendo a última obra a Guía visual do barrio histórico de Vigo (Editorial Galaxia,2015). Tamén publicou materiais de carácter didáctico no marco da súa profesión docente. Como fotógrafo participou en varias exposicións individuais e colectivas, sendo igualmente autor de numerosos vídeos e documentais. Na actualidade é colaborador habitual de Cies.gal aportando galerías de imaxes e vídeos do noso contorno natural e da cultura urbana viguesa.
