Miradas doutros mundos nas Rías Baixas de Galicia
Presentamos outro audiovisual cortesía do mergullador galego Pedro Alonso. Entre as praderías submarinas de ceba (Zostera marina) existentes en diferentes puntos das Rías Baixas de Galicia, van xurdindo diversos protagonistas, animais mariños coma os chocos, espirógrafos, signátidos (cabaliños e peixes pipa) e mesmo un rubio que nos deleita coa súa pacífica mirada deste outro mundo submarino. Así, todos estes animais mariños non son máis ca unha pequena mostra dos espectaculares valores que albergan estes privilexiados fondos mariños.
A ceba (Zostera marina) é unha planta herbácea mariña da familia das zosteráceas, de raíces fibrosas, talos con moitas pólas e follas estreitas e achatadas. Non son realmente algas verdes.
Este audiovisual foi gravado nas Rías Baixas de Galicia por Pedro Alonso e publicado o 9 outubro 2017 na súa canle de youtube.
Audiovisual: © Pedro Alonso
Imaxe destacada: captura de pantalla audiovisual de Pedro Alonso
Author: Santiago Boado Aguinaga
Santi Boado é licenciado en Historia pola Universidade de Santiago. Investigador, divulgador e redactor. Naturalista vocacional, ten formación en comercialización e información turística, interpretación do patrimonio e educación ambiental. Exerce de guía-intérprete en espazos con valor patrimonial. Tamén é guía acreditado do Parque Nacional marítimo terrestre das Illas Atlánticas de Galicia e membro da Asociación de Guías Acreditados das Illas Atlánticas de Galicia-Agaia, do clube de montaña Pena Trevinca-Montañeiros de Galicia e da Seo-Birdlife.
