Ocean Secrets é unha cooperativa formada por un equipo de profesionais que posúe unha ampla experiencia e formación técnica no sector do mergullo profesional, a bioloxía mariña, a investigación e o turismo náutico, que forma e formou parte de importantes proxectos de investigación, turismo, formación e educación tanto a nivel nacional como internacional ao longo da súa carreira profesional.
Este proxecto ten como base achegar ao cidadán do montón un patrimonio que normalmente é inaccesible a aqueles que non son especialistas no medio mariño nin na investigación subacuática de distinto tipo. Era evidente que estes segredos non estaban ao alcance de calquera, non todos podían mergullarse nas profundidades, navegar ou dispor de medios para investigar este fascinante mundo. Ocean Secrets pretende eliminar esa barreira e pór a disposición de todo o que nos acompañe os segredos aos que antes accedían uns poucos submarinistas, mariños, oceanógrafos ou científicos.
A posta en valor do patrimonio material, inmaterial e natural faise en Ocean Secrets mediante a súa divulgación, empregando na experiencia un alto equipamento tecno-científico que normalmente se utiliza en proxectos de investigación, por iso é polo que a transferencia de coñecemento leve ao seu máximo expoñente facendo partícipe en directo ao público asistente, axuntando traballo e divulgación científica.
Como profesionais do sector tivemos a oportunidade de traballar por e para o mar, coñecer os seus segredos, a súa historia e a súa cara máis amable, en definitiva enriquecernos profesionalmente mentres descubriamos este incrible e apaixonante mundo. O obxectivo de Ocean Secrets é transmitir esta experiencia a todo o que o desexe, esperando satisfacer dalgunha forma a curiosidade, a necesidade de aventura ou simplemente entreter mentres se aprende algo novo en cada viaxe.
