O proxecto

  /    /  O proxecto

Os Espazos Naturais Protexidos son unha ferramenta das Administracións Públicas para aplicar políticas de conservación da diversidade biolóxica, pero tamén un recurso e unha atracción turística de importancia crecente.

Combinar de forma sustentable o seu uso turístico coa fraxilidade e singularidade dos seus recursos naturais é o principal reto ao que se enfrontan tanto os propios espazos coma as empresas e profesionais que desenvolven a súa actividade profesional ao seu redor. Por elo, Mar de Ciencia reúne a 6 actores que operan en diferentes elos da cadea de valor do sector turismo en Galicia, na busca da creación dun ecosistema de turismo científico ao redor do PNMTIAG e a súa contorna, entendida de xeito amplo como as Rías Baixas.

A organización de procesos de traballo conxuntos entre os diferentes membros da agrupación, facilita abordar de maneira conxunta a posta en valor e promoción do patrimonio natural e cultural do Parque Nacional e contorna desde o prisma da ciencia e a súa divulgación, abordando actuacións conxuntas de deseño, promoción e comercialización de produtos e servizos ao redor do turismo científico neste enclave.

Turismo científico

Historicamente, os mundos do turismo e da exploración científica estiveron fortemente vinculados a partir do século XIX. A noción de Turismo Científico que mobilizan numerosos autores e operadores a partir dos anos 90, e que ten diversos derivados en termos de prácticas e produtos turísticos, é unha prolongación deste fenómeno.

Inicialmente, o chamado Turismo Científico era aquel realizado por científicos desprazados fóra do seu lugar de traballo habitual para realizar algún tipo de investigación ou traballo de campo.

Na actualidade, o mesmo termo viu ampliado o seu espectro e inclúe a todo tipo de visitantes que dalgunha maneira mergúllanse no coñecemento da nova contorna visitada desde unha perspectiva científica.

De feito, neste nova acepción, o Turismo Científico está a converterse nunha vía moi útil de divulgación da Ciencia, que comeza a desenvolverse de maneira moi activa.

Esta forma de coñecemento dos territorios, desde a óptica da ciencia, promove a creación de fórmulas transversais de difusión do coñecemento pensadas para todo tipo de visitantes, non só investigadores, senón tamén estudantes, público familiar, escolares ou calquera persoa interesada na práctica de actividades afastadas das propias do turismo de masas.

Co Turismo Científico búscase informar e achegar ao visitante a temas tan interesantes como a astronomía, botánica, fauna, paleontoloxía, historia, xeoloxía, ecoloxía, etc. e, de paso, dar a coñecer a intensa labor de investigación que os científicos realizan para conservar e poñer en valor este patrimonio natural. O coñecemento e a difusión do mesmo son a base da conservación. Non se pode protexer aquilo que non se coñece.

As experiencias desenvolvidas ao abeiro do Turismo Científico permiten ao visitante achegarse ao territorio dende a perspectiva dun observador científico. Mediante a creación deste tipo de iniciativas didácticas e lúdicas ligadas ao coñecemento do territorio, ponse en valor o patrimonio científico, natural e cultural, desde un punto de vista sustentable e rigoroso.

O parque Nacional e a certificación Observer

O Parque Nacional das Illas Atlánticas de Galicia situase nunha posición avanzada para o desenvolvemento do turismo científico, grazas sobre todo a unha intensa actividade de divulgación, un engarce axeitado no contexto socioeconómico local e un bo nivel de integración co profesional da investigación.

Neste contexto, o Parque Nacional Marítimo Terrestre das Illas Atlánticas de Galicia obtivo, en Maio de 2017, a cualificación de Destino Científico Observer, baixo a categoría de Reserva científica Observer®, específica para Parques Nacionais.

“As Reservas Científicas Observer® son espazos naturais protexidos, de excepcionais características e valores, cuxa riqueza natural e singularidades convértenos en espazos únicos nos que xa se veñen desenvolvendo actividades científicas, non só de carácter turístico senón tamén de investigación.”

O distintivo Observer® é o soporte que acredita o cumprimento dos requisitos establecidos na metodoloxía Observer® e que recoñece o esforzo, o compromiso coa divulgación, calidade científica, e mellora continua das actividades de turismo científico realizadas nun determinado territorio ou espazo natural.

certificación observer

¿Qué é Mar de Ciencia?

Mar de Ciencia é un paquete de turismo científico certificado por OBSERVER®. ScienceTourism e desenvolvido no territorio do Parque Nacional das Illas Atlánticas de Galicia: Cíes, Ons, Sálvora e Cortegada así como a súa contorna.

Trátase dun amplo catálogo de experiencias turísticas, dun, dous ou tres días de duración, no que a Ciencia é o elemento narrativo fundamental.

Con Mar de Ciencia preténdese que o viaxeiro coñeza e entenda estes singulares arquipélagos atlánticos e algúns dos seus porqués:
Cando e como se formaron as Illas Atlánticas, e cal é entón a súa historia xeolóxica? E o seu medio mariño, por qué é tan rico e singular? Que factores influíron na configuración das súas paisaxes vexetais? E o ser humano, como afectou na súa transformación? Se miramos ao firmamento nunha noite estrelada desde as Illas Cíes, que vemos? De cando datan os primeiros asentamentos humanos?
Mar de Ciencia ofrece a través de distintas actividades e rutas científicas respostas a todas estas preguntas e a outras moitas máis…

Paquetes

Actividades

Os nosos paquetes de turismo científico ponse a disposición dos viaxeiros, distintos e orixinais itinerarios científicos a elixir relacionados coas áreas da Ciencia de maior interese para coñecer mellor, ou descubrir por primeira vez o Parque Nacional: Xeoloxía, Astronomía, Medio Mariño, Fauna, Flora, Ecoloxía e Historia.
As actividades renovaranse en función dos meses do ano e as estacións.

Desprazamentos

Mar de Ciencia conta con navíos para os desprazamentos. A bordo desenvolveranse algunhas das actividades, especialmente aquelas relacionados co avistamento de aves e cetáceos, o coñecemento das covas mariñas das illas e outras actividades de exploración do medio mariño.

Aloxamentos

Mar de Ciencia pon a disposición dos nosos viaxeiros lugares específicos para durmir nas Illas e a súa contorna: hoteis, casas rurais e cámpings.

Comidas

Todos os paquetes de Mar de Ciencia inclúen comidas nas Illas. Cada viaxeiro terá o seu propio “Kit do explorador ” que incluirá todo o necesario para facer un “ picnic científico” nas Illas ou en alta mar.

Consorcio

Reúnense ao redor deste proxecto seis empresas que representan a diferentes axentes dentro da cadea de valor do sector turístico en Galicia:

  • CIES.GAL. Portal de promoción e marketplace de xeodestino
  • VIO VIAJES: Axencia de viaxes maiorista minorista
  • OBSERVER: Selo de calidade turismo científico
  • HABITAQ: Consultora ambiental e turística
  • LUZLUX: Comunicación visual, contidos e publicidade
  • WIRELESS GALICIA: TIC-turismo

Co apoio de