Arroaz coa súa cría xogando na ría de Arousa
Os arroaces (Tursiops truncatus) son os cetáceos máis costeiros e doados de observar nas nosas rías. Poden chegar medir entre os 2 metros e os 3,5 metros.
Entre todos os golfiños , é a especie máis común, máis coñecida e sociable xa que adoita achegarse á costa e entrar no interior das rías.
Existe unha poboación estable nas Rías Baixas de Galicia, das que aproveita os recursos xa ben para se alimentar ou para criar aos cachorros en augas máis calmas. Adoitan formar grupos ou manadas de entre 15 ou 30 individuos, tratándose habitualmente de femias e crías.
Aliméntase sobre todo de cefalópodos, peixes e mesmo dalgún crustáceo.
As súa coloración é negra no dorso que se vai facendo máis clara nos costados e ten o ventre claro. O seu fuciño é máis curto que o do golfiño común (Delphinus delphis) que vive en grandes grupos nas augas costeiras exteriores. Son máis oceánicos. É sobre todo na primavera cando estes últimos entran nas rías. De menor tamaño ca o arroaz, non sobrepasa os 2, 30 metros de lonxitude.
O arroaces están presentes en augas quentes e temperadas de todo o mundo, en todos os océanos excepto no Ártico e no Antártico. Unha imaxe de Dieguito Ge Eme.
Tamén che pode interesar:
Mamíferos mariños do Parque Nacional. Presentación
Fai clic sobre a imaxe para ampliala:
Imaxe:
© Dieguito Ge Eme
Author: Santiago Boado Aguinaga
Santi Boado é licenciado en Historia pola Universidade de Santiago. Investigador, divulgador e redactor. Naturalista vocacional, ten formación en comercialización e información turística, interpretación do patrimonio e educación ambiental. Exerce de guía-intérprete en espazos con valor patrimonial. Tamén é guía acreditado do Parque Nacional marítimo terrestre das Illas Atlánticas de Galicia e membro da Asociación de Guías Acreditados das Illas Atlánticas de Galicia-Agaia, do clube de montaña Pena Trevinca-Montañeiros de Galicia e da Seo-Birdlife.
