Cruceiro de Ons. Os seus lugares. “Ons: unha illa habitada”. Capítulo 4 (XIV)

Portada » O Parque Nacional » Cruceiro de Ons. Os seus lugares. “Ons: unha illa habitada”. Capítulo 4 (XIV)

Xuñ 9, 2017 | BIBLIOGRAFÍA, HISTORIA

Ons: unha illa habitada · Paula Ballesteros-Arias e Cristina Sánchez-Carretero

CAPÍTULO 4 (XIV)

Os seus lugares

Cruceiro de Ons

Cruceiro emprazado no alto do barrio de Curro xunto á igrexa de San Xaquín, no seu lado leste en fronte da sancristía, nunha zona axardinada que funciona como lugar de campo da festa onde se festexa o día do patrón.
O cruceiro está feito en pedra de granito sobre tres escadas de planta cadrada.

A base é de planta cadrada sen ningunha inscrición ou motivo decorativo. O fuste é de sección cadrada coas esquinas en chaflán. En dúas caras do fuste hai dúas pequenas imaxes en relevo, na nordés a Virxe co neno en brazos e na suroeste unha figura masculina dun santo. O capitel é unha peza exenta de granito de forma cadrada, coa imaxe de doce figuras humanas, tres en cada unha das caras, que poderían corresponderse cos doce apóstolos.

Sobre o capitel se dispón a cruz de forma latina e sección cadrada. Na cara suroeste, no reverso, ten unha imaxe que representa á Virxe coroada, sedente con neno nos brazos, e no anverso unha imaxe de Cristo crucificado de tres cravos, co pano da pureza e a súa cabeza inclinada cara ao lado dereito. Tanto a Virxe como Cristo e o resto das figuras do cruceiro son de formas redondeadas.

cruceiro ons 2

 

Imaxe destacada: vista xeral do cruceiro. O cristo, no anverso, está orientado ao leste © CSIC

Se dispón de conexión a internet, recomendámoslle que consulte o vídeo “Ons: mar, terra e identidade” a través desta ligazón

Título: Ons: unha illa habitada

Autor: Ballesteros-Arias, Paula ; Sánchez-Carretero, Cristina

Dispoñibilidade: Descarga gratuita en Apple

Ler tamén: Ons: unha illa habitada

Cíes.gal
Author: Cíes.gal

Redacción Cíes.gal.

Otros artículos

Area de Nosa Señora, Cíes. Anos 20

Area de Nosa Señora, Cíes. Anos 20

Excursionistas, bañistas e gamelas na praia de Nosa Señora ou do Chuco. Este areal está situado fronte ao illote dos Viños na illa do Medio ou Montefaro do arquipélago das illas Cíes. Premer sobre a imaxe para a poder ampliar: [gallery columns="1" size="full"...

O embarcadoiro de Cortegada en 1906

O embarcadoiro de Cortegada en 1906

O embarcadoiro de Cortegada en 1906 Vella tarxeta postal centenaria que nos mostra o embarcadoiro e parte da aldea da illa de Cortegada, fronte a Carril, no ano 1906, pouco antes da doazón á monarquía e abandono por parte dos seus habitantes. Ao fondo, sobre Carril, o...