Mai 25, 2016 | FOTOBLOG, NATUREZA

Feo de praia no esteiro da Foz. Nigrán

Perspectiva dunha mata de feo de praia (ammophila arenaria), unha gramínea nas dunas de praia Ladeira, no esteiro da foz do río Miñor. A Ramallosa. Nigrán. Ría de Vigo.

Aparece en areais e dunas móbiles onde é predominante. Moi efectiva na fixación das dunas e tradicionalmente empregada en cestería.

O hábitat do feo de praia (Ammophila arenaria) aparece en moitos areais do litoral de Galicia, principalmente no cinto de vexetación das dunas móbiles secundarias. No Parque Nacional aparece nos catro arquipélagos. En Cíes, Ons, Sálvora e Cortegada.

Orixinaria do litoral mediterráneo, Portugal e a Galicia occidental.

É unha planta moi importante ao contribuír á estabilización e fixación dos sistemas dunares, permitindo que outras especies colonicen este hábitat. Así, forma ademais unha barreira protectora contra o vento mariño para aquelas especies vexetais que crecen en posicións máis atrasadas (dunas terciarias ou grises). O feo de praia (ammophila arenaria) é unha das plantas que mellor se adaptan a este tipo de ambientes móbiles e salinos.

Imaxes:

Basilio Cegarra

Santiago Boado Aguinaga
Author: Santiago Boado Aguinaga

Santi Boado é licenciado en Historia pola Universidade de Santiago. Investigador, divulgador e redactor. Naturalista vocacional, ten formación en comercialización e información turística, interpretación do patrimonio e educación ambiental. Exerce de guía-intérprete en espazos con valor patrimonial. Tamén é guía acreditado do Parque Nacional marítimo terrestre das Illas Atlánticas de Galicia e membro da Asociación de Guías Acreditados das Illas Atlánticas de Galicia-Agaia, do clube de montaña Pena Trevinca-Montañeiros de Galicia e da Seo-Birdlife.

Otros artículos

Area de Nosa Señora, Cíes. Anos 20

Area de Nosa Señora, Cíes. Anos 20

Excursionistas, bañistas e gamelas na praia de Nosa Señora ou do Chuco. Este areal está situado fronte ao illote dos Viños na illa do Medio ou Montefaro do arquipélago das illas Cíes. Premer sobre a imaxe para a poder ampliar: [gallery columns="1" size="full"...

O embarcadoiro de Cortegada en 1906

O embarcadoiro de Cortegada en 1906

O embarcadoiro de Cortegada en 1906 Vella tarxeta postal centenaria que nos mostra o embarcadoiro e parte da aldea da illa de Cortegada, fronte a Carril, no ano 1906, pouco antes da doazón á monarquía e abandono por parte dos seus habitantes. Ao fondo, sobre Carril, o...