Mar 15, 2019 | FOTOBLOG, HISTORIA

Gamelas coruxeiras na Ría de Vigo

Perspectiva de gamelas varadas na praia da Fontaíña na parroquia viguesa de Coruxo na Ría de Vigo a través dunha imaxe de Paco Álvarez.

Unha embarcación cunha orixe moi remota como así o denota a simplicidade da súa construcción a base de táboas moi anchas. De boas cualidades mariñeiras e eminentemente funcional ten o seu fondo plano, forma cuadrangular e dúas popas.

Atopámolas fundamentalmente na boca da Ría de Vigo e na costa sur da provincia de Pontevedra ata A Guarda así como nalgúns portos do norte de Portugal adapatadas segundo a zona a augas interiores ou de mar aberto, costa rochosa, areosa…diferenciándose os deseños sobre todo polo seu tamaño.

Ten distintas variantes a partir de pequenas modificacións e variantes locais ao longo desta costa, contando así coa gamela canguesa, baionesa, oiense, coruxeira, gardesa ou masseira en Portugal. Ata os anos 60 do pasado século tamén era a embarcación tradicional dos habitantes das illas Cíes así como a dorna o era para os habitantes da illa de Ons.

Eminentemente pesqueira, a súa propulsión tradicional era a vela e a remo antes de xeralizarse o motor foraborda ao que están adaptadas hoxe en día.

 

© Paco Álvarez

Santiago Boado Aguinaga
Author: Santiago Boado Aguinaga

Santi Boado é licenciado en Historia pola Universidade de Santiago. Investigador, divulgador e redactor. Naturalista vocacional, ten formación en comercialización e información turística, interpretación do patrimonio e educación ambiental. Exerce de guía-intérprete en espazos con valor patrimonial. Tamén é guía acreditado do Parque Nacional marítimo terrestre das Illas Atlánticas de Galicia e membro da Asociación de Guías Acreditados das Illas Atlánticas de Galicia-Agaia, do clube de montaña Pena Trevinca-Montañeiros de Galicia e da Seo-Birdlife.

Otros artículos

Area de Nosa Señora, Cíes. Anos 20

Area de Nosa Señora, Cíes. Anos 20

Excursionistas, bañistas e gamelas na praia de Nosa Señora ou do Chuco. Este areal está situado fronte ao illote dos Viños na illa do Medio ou Montefaro do arquipélago das illas Cíes. Premer sobre a imaxe para a poder ampliar: [gallery columns="1" size="full"...

O embarcadoiro de Cortegada en 1906

O embarcadoiro de Cortegada en 1906

O embarcadoiro de Cortegada en 1906 Vella tarxeta postal centenaria que nos mostra o embarcadoiro e parte da aldea da illa de Cortegada, fronte a Carril, no ano 1906, pouco antes da doazón á monarquía e abandono por parte dos seus habitantes. Ao fondo, sobre Carril, o...

Reconversións en Sálvora

Reconversións en Sálvora

Vista parcial do lugar do "Almacén " en Sálvora" a través dunha extraordinaria imaxe de Fernando Rey Daluz A escultura da serea reconvertida en lenda, a vella taberna reconvertida en capela e a factoría-almacén de salgado de peixe reconvertida en pazo. Bolos...