Lavadoiro de Caño. Os seus lugares. “Ons: unha illa habitada”. Capítulo 4 (XXV)

Portada » O Parque Nacional » Lavadoiro de Caño. Os seus lugares. “Ons: unha illa habitada”. Capítulo 4 (XXV)

Ago 7, 2017 | BIBLIOGRAFÍA, HISTORIA

Ons: unha illa habitada · Paula Ballesteros-Arias e Cristina Sánchez-Carretero

CAPÍTULO 4 (XXV)

Os seus lugares

Lavadoiro de Caño

Lavadoiro situado no barrio de Caño que aproveita as augas do rego do mesmo nome. É de planta rectangular e está construído en ladrillo e cemento. A cuberta, a dúas augas, reformouse recentemente. Trátase dunha estrutura de vigas e trabes de madeira sobre as que se dispón a tella do país.

Nesta cuberta consérvanse pegadas da construción orixinal como, por exemplo, no lintel da zona de acceso ao lavadoiro. Está resaltada en cemento (material de construción da base de cubrición) a data de construción ou de renovación (1962) así como o relevo do xugo e das frechas, símbolo da ditadura franquista.

Rego e lavadoiro do Cano.

Rego e lavadoiro do Cano.

lavadoiro-do-Caño

O lavadoiro do Caño na actualidade © Santi Boado Aguinaga

O lavadoiro está pechado por dúas paredes en “L”. No interior deste recinto está o lavadoiro e a pedra de lavar en forma de “L” feita con laxes de granito.

O rego do Caño canalízase nunha cota superior, nun punto próximo, a través dunha levada que dirixe a auga cara ao lavadoiro, e por outra banda sortea unha fonte que hai a 50 m ao sueste, a fonte do Caño.

A auga sobrante, a que non é captada por estas construcións, vai directamente ao rego que atravesa o lugar de Caño a través dunha pontella, dirixíndose cara á costa leste da illa, pasando por A Laxe e desembocando en Area dos Cans.

lavadoiro Canexol II (antiga)

lavadoiro Canexol II (antiga)

Imaxe de 1961 procedente do Arquivo Histórico de Pontevedra, cando se levaron a cabo as obras de construción do lavadoiro. A cuberta era a catro augas, hoxe ten unha cuberta de dúas augas. (Fonte: Arquivo da Deputación Provincial de Pontevedra (1961), 2527 / 19, Exp. 33/ 4).

 

Se dispón de conexión a internet, recomendámoslle que consulte o vídeo “Ons: mar, terra e identidade” a través desta ligazón

Título: Ons: unha illa habitada

Autor: Ballesteros-Arias, Paula ; Sánchez-Carretero, Cristina

Dispoñibilidade: Descarga gratuita en Apple

Ler tamén: Ons: unha illa habitada

Cíes.gal
Author: Cíes.gal

Redacción Cíes.gal.

Otros artículos

Area de Nosa Señora, Cíes. Anos 20

Area de Nosa Señora, Cíes. Anos 20

Excursionistas, bañistas e gamelas na praia de Nosa Señora ou do Chuco. Este areal está situado fronte ao illote dos Viños na illa do Medio ou Montefaro do arquipélago das illas Cíes. Premer sobre a imaxe para a poder ampliar: [gallery columns="1" size="full"...

O embarcadoiro de Cortegada en 1906

O embarcadoiro de Cortegada en 1906

O embarcadoiro de Cortegada en 1906 Vella tarxeta postal centenaria que nos mostra o embarcadoiro e parte da aldea da illa de Cortegada, fronte a Carril, no ano 1906, pouco antes da doazón á monarquía e abandono por parte dos seus habitantes. Ao fondo, sobre Carril, o...