Muíño do Rego do Castelo. Os seus lugares. “Ons: unha illa habitada”. Capítulo 4 (XI)

Portada » O Parque Nacional » Muíño do Rego do Castelo. Os seus lugares. “Ons: unha illa habitada”. Capítulo 4 (XI)

Mai 29, 2017 | BIBLIOGRAFÍA, HISTORIA

Ons: unha illa habitada · Paula Ballesteros-Arias e Cristina Sánchez-Carretero

CAPÍTULO 4 (XI)

Os seus lugares

Muíño do Rego do Castelo

Trátase das ruínas dun muíño de río situado nunha valgada por onde baixan as augas do rego do Castelo e de Entenza, na parte oriental da illa. Foi descuberto no verán de 2012 nas tarefas de limpeza de vexetación feitas polo persoal do Parque Nacional. Trala roza, puidéronse ver as canles de captación e derivación da auga e restos de cimentación. Polo que se puido apreciar, trataríase dun muíño de cubo, construídos naqueles regos onde o caudal non era moi abundante e con variación estacional, e estes depósitos permitían a moenda durante case todo o ano. Conserva parte da parede onde se sitúa o inferno, cavidade onde estaría o rodicio e saída da auga. Esta parte está feita con pedra de gran a base de bloques de cantería e cachotería, encaixados uns en outros sen argamasa entre eles. Non conserva ningunha das pedras de moer.

Esta entidade sitúase nunha zona de pendente con abundantes terrazas agrarias e canles de derivación de auga, xa que a sobrante deste posible muíño utilizaríase para o rego destas fincas en pendente.

O seu recente descubrimento non nos permite facer unha descrición máis pormenorizada. A isto engadímoslle que non había noticia de ningún muíño de río na illa, ata o momento, nin na documentación moderna nin nas entrevistas realizadas á xente xa que, segundo contan, cando tiñan que moer o cereal ou ben ían a Portonovo ou Bueu ou si o temporal non permitía o desprazamento facíano con muíños de man circulares que tiñan nas súas casas.

Porén, recentes entrevistas á xente de máis idade da illa, confirmaron que efectivamente lembran a existencia dun muíño propiedade da familia Riobó, e que aproveitaba as augas da Entenza.

 

Imaxe destacada: vista exterior inferno do muíño do rego do Castelo

© Santi Boado Aguinaga

Se dispón de conexión a internet, recomendámoslle que consulte o vídeo “Ons: mar, terra e identidade” a través desta ligazón

 

Título: Ons: unha illa habitada

Autor: Ballesteros-Arias, Paula ; Sánchez-Carretero, Cristina

Dispoñibilidade: Descarga gratuita en Apple

Ler tamén: Ons: unha illa habitada

Cíes.gal
Author: Cíes.gal

Redacción Cíes.gal.

Otros artículos

Area de Nosa Señora, Cíes. Anos 20

Area de Nosa Señora, Cíes. Anos 20

Excursionistas, bañistas e gamelas na praia de Nosa Señora ou do Chuco. Este areal está situado fronte ao illote dos Viños na illa do Medio ou Montefaro do arquipélago das illas Cíes. Premer sobre a imaxe para a poder ampliar: [gallery columns="1" size="full"...

O embarcadoiro de Cortegada en 1906

O embarcadoiro de Cortegada en 1906

O embarcadoiro de Cortegada en 1906 Vella tarxeta postal centenaria que nos mostra o embarcadoiro e parte da aldea da illa de Cortegada, fronte a Carril, no ano 1906, pouco antes da doazón á monarquía e abandono por parte dos seus habitantes. Ao fondo, sobre Carril, o...