Rapazada de Ons co seu mestre no continente

Portada » O Parque Nacional » Rapazada de Ons co seu mestre no continente

Abr 6, 2016 | FOTOBLOG, HISTORIA

Imaxe da rapazada da illa de Ons co seu mestre, de visita ao continente, á costa, á terra. Era unha práctica habitual cando se celebraba o Entroido, naqueles anos 30, desprazarse da illa ao continente.

Daquela a escola non estaba no Centro Cívico do Curro senón no Canexol, na chamada casa rectoral. Destaca por ter dous grandes hórreos que xunto á vivenda de dous andares e as cortes conseguen un recinto pechado, un adro onde se celebraban as festas ata os primeiros anos 60.  Esta vivenda e lugar foron escola e casa dos mestres, mesmo taberna “A Cana”, casa rectoral e moito antes antes vivenda dos caseiros dos marqueses propietarios da illa.

Era cara 1930 e aínda a illa de Ons non chegara ao seu máximo demográfico. Neste documento gráfico contamos máis de 50 nenos e nenas. Maís nenos que nenas, segregados por sexo mesmo para a captura da imaxe.

Imaxe: 

“Isla de Ons, Don Joaquín D. Fernández Cambeiro, entusiasta maestro nacional de aquellas islas que desde hace tres años, por carnavales, trae a los pueblos de la costa una masa coral que a fuerza de paciencia organizó con los niños de su escuela, que en estas excursiones adquieren el roce social que se puede lograr en aquellas soledades”

Vida Gallega: Ilustración regional. Ano 1930

Santiago Boado Aguinaga
Author: Santiago Boado Aguinaga

Santi Boado é licenciado en Historia pola Universidade de Santiago. Investigador, divulgador e redactor. Naturalista vocacional, ten formación en comercialización e información turística, interpretación do patrimonio e educación ambiental. Exerce de guía-intérprete en espazos con valor patrimonial. Tamén é guía acreditado do Parque Nacional marítimo terrestre das Illas Atlánticas de Galicia e membro da Asociación de Guías Acreditados das Illas Atlánticas de Galicia-Agaia, do clube de montaña Pena Trevinca-Montañeiros de Galicia e da Seo-Birdlife.

Otros artículos

Area de Nosa Señora, Cíes. Anos 20

Area de Nosa Señora, Cíes. Anos 20

Excursionistas, bañistas e gamelas na praia de Nosa Señora ou do Chuco. Este areal está situado fronte ao illote dos Viños na illa do Medio ou Montefaro do arquipélago das illas Cíes. Premer sobre a imaxe para a poder ampliar: [gallery columns="1" size="full"...

O embarcadoiro de Cortegada en 1906

O embarcadoiro de Cortegada en 1906

O embarcadoiro de Cortegada en 1906 Vella tarxeta postal centenaria que nos mostra o embarcadoiro e parte da aldea da illa de Cortegada, fronte a Carril, no ano 1906, pouco antes da doazón á monarquía e abandono por parte dos seus habitantes. Ao fondo, sobre Carril, o...

Reconversións en Sálvora

Reconversións en Sálvora

Vista parcial do lugar do "Almacén " en Sálvora" a través dunha extraordinaria imaxe de Fernando Rey Daluz A escultura da serea reconvertida en lenda, a vella taberna reconvertida en capela e a factoría-almacén de salgado de peixe reconvertida en pazo. Bolos...