O Parque Nacional marítimo-terrestre das Illas Atlánticas de Galicia. Presentación

O Parque Nacional Marítimo Terrestre das Illas Atlánticas de Galicia está situado nas Rías Baixas de Galicia.

Declarado en 2002, o 86% da superficie protexida é marítima e un 14%. Comprende os arquipélagos de Cíes, Ons, Sálvora e Cortegada, que a excepción deste último, forman unha barreira natural que protexe estas rías dos embates do océano.

Os seus principais ecosistemas son os litorais (praias, sistemas de dunas e cantís), terrestres (matogueiras costeiras atlánticas e submediterráneas) e submarinos (fondos rochosos, de area, de maërl, cascallo e bosques de algas), sendo os seus fondos mariños o máis importante do Parque, onde maior biodiversidade alberga. Augas onde faena a frota profesional de carácter tradicional das localidades costeiras. Destacan tamén as colonias de aves mariñas, sobre todo de gaivotas patiamarelas e corvos mariños cristados.

Debido á súa menor altura, ofrecen un clima menos rigoroso ca o do continente, temperaturas suaves e menos pluviosidade.

Existen rutas guiadas e itinerarios sinalizados, recomendándose o uso de calzado adecuado, levar auga e protección solar. Procure atender estas recomendacións ou indicacións do persoal do Parque.

Non está permitida a acampada agás nas zonas autorizadas, arrincar plantas, recoller cunchas ou molestar aos animais, camiñar fóra dos camiños sinalizados, emitir ruídos que alteren a tranquilidade da contorna, prender lume ou introducir animais domésticos salvo cans guía.

Submarinismo, navegación e fondeo están regulados, e a pesca deportiva prohibida. O lixo xerado deberá ser retornada a terra.

O Parque ten na súa sé de Vigo, no “Edificio Cambón” do Barrio Histórico, un Centro de Visitantes do catro arquipélagos.

Imaxes: -Santiago Boado Aguinaga -Pedro Figueras -Wikimedia Commons